როგორც ცნობილი გახდა, ტრამპმა შესაძლოა, აშშ-ს „პარიზის შეთანხმება“ კლიმატის ცვლილებების შესახებ დაატოვებინოს.
შეთანხმებას, რომელიც გარემოში ნახშირორჟანგის გამონაბოლქვის 26-28%-ით შემცირებას გულისხმობს, ქვეყანამ 2015 წელს მოაწერა ხელი. იგი ობამას ადმინისტრაციის ერთ-ერთ მთავარ მიღწევად მიიჩნევა.
CNN-ის ცნობით, შექმნილ ვითარებასთან დაკავშირებით, ტესლასა და SpaceX-ის ხელმძღვანელმა ილონ მასკმა განაცხადა, რომ იმ შემთხვევაში თუ აშშ ტრამპის მმართველობისას „პარიზის შეთანხმებას“ დატოვებს, მაშინ იგი პრეზიდენტის ეკონომიკური საკითხების მრჩეველთა საბჭოში ადგილზე უარს იტყვის.