თბილისიდან აზერბაიჯანში გატაცებული ჟურნალისტის აფგან მუხთარლის საქმეზე დღეს ჟურნალისტების ნაწილი ევროკავშირის ელჩს შეხვდა.
შეხვედრას ესწრებოდნენ: ჟურნალისტური ეთიკის ქარტიის დირექტორი, „ნეტგაზეთის“ რედაქტორი, კახეთის საინფორმაციო ცენტრის ხელმძღვანელი, „ლიბერალის“ რედაქტორი და „სტუდია მონიტორის“ წარმომადგენელი.
ევროკავშირის ელჩის განცხადებით, ევროკავშირი ყურადღებით აკვირდება აფგან მუხთარლის საქმესთან დაკავშირებულ გამოძიებას და ამ საკითხზე მჭიდრო კონტაქტი აქვთ მთავრობაში გადაწყვეტილების მიმღებ პირებთან.
აზერბაიჯანელი ჟურნალისტი აფგან მუხთარლი, რომელიც თბილისში 2015 წლიდან ცხოვრობს 24 მაისს თბილისიდან გაიტაცეს, მეორე დღეს კი ის აზერბაიჯანში დააკავეს.
აფგანის თქმით,მას საღამოს საათებში, თბილისში ჭონქაძის ქუჩაზე დახვადა სამი პირი, მათგან ორი სამართალდამცავების ფორმაში იყვნენ. მისივე თქმით, გამტაცებლებმა მას თავზე ტომარა ჩამოაცვეს, ასევე მიაყენეს ფიზიკური შერაცხყოფა.
აზერბიაჯანის სასამართლომ მუხთარლის სამთვიანი წინასწარი პატიმრობა შეუფარდა.
აზერბაიჯანის პროკურატურამ ჟურნალისტ აფგან მუხთარლის ბრალი სამართალდამცავებისათვის წინააღმდეგობის გაწევის, საზღვრის უკანონო კვეთისა და კონტრაბანდის ბრალდებით წაუყენა.
