საზოგადოებრივი მაუწყებლის ახალი და მიმდინარე ამბების ბლოკის დირექტორის, გიორგი გვიმრაძის თქმით, ის ჟურნალისტ ლაშა მესხის სამსახურში აღდგენას არ განიხილავს.
„არ განვიხილავ მის აღდგენას, რადგან მე მას პროფესიონალიზმს ვუწუნებ და არა პროფკავშირულ საქმიანობას. ამის მეტს ვერაფერს გეტყვით" - განუცხადა „ლიბერალს" გიორგი გვიმრაძემ.
დღეს სახალხო დამცველმა მაუწყებელს ლაშა მესხის სამსახურში აღდგენის რეკომენდაციით მიმართა.
ლაშა მესხი 2017 წელს გაათავისუფლეს საზოგადოებრივი მაუწყებლიდან. გათავისუფლებამდე 2016 წელს ჟურნალისტმა დააფუძნა პროფესიული კავშირი და „საზოგადოებრივი მაუწყებლის“ მიმართ ხშირად კრიტიკულ მოსაზრებებს გამოთქვამდა საჯაროდ. ლაშა მესხი გათავისუფლებას სწორედ პროფესიული კავშირის წევრობას უკავშირებს.
