ნაცემი სექსმუშაკის საქმეზე პოლიციამ გამოძიება სისხლის სამართლის კოდექსი 126-ე მუხლით დაიწყო, რაც ძალადობას გულისხმობს, "რამაც დაზარალებულის ფიზიკური ან ფსიქიკური ტანჯვა გამოიწვია". ამის შესახებ "ლიბერალს" საიას იურისტმა რევაზ აჭარაძემ განუცხადა.
დაზარალებულის ინტერესების ერთ-ერთი დამცველი, ახალგაზრდა იურისტთა ასოციაციის იურისტი, რევაზ აჭარაძე სარჩელს პროკურატურაში წარსადგენად ამზადებს და ამბობს, რომ ეს საქმე პოლიციამ არ უნდა გამოიძიოს. ამასთან მუხლის შესაბამისობაც არ მიაჩნია სწორად და ფიქრობს, რომ უფრო მეტი დამამძიმებელი გარემოება იკვეთება.
შეგახსნებთ, რომ 21 წლის სექსმუშაკი ი.ლ. ძველი თბილისის სამმართველოს თანამშრომლებს, მათ შორის, განყოფილების უფროსს სიტყვიერ შეურაცხყოფასა და ცემაში ადანაშაულებს. ექიმებმა მას ტვინის შერყევა დაუდგინეს.
