BBC-ს ცნობით, თურქეთმა გაერთიანებული ერების ორგანიზაციის სისხლის სამართლის საერთაშორისო ტრიბუნალის მექანიზმის მოსამართლეს, აიდინ სეფა აკაის 7-ნახევარი წლით თავისუფლების აღკვეთა მიუსაჯა.
ანკარის სასამართლომ აიდინ სეფა აკაის „ფეთხულა გიულენის ტერორისტული ორგანიზაციის“ წევრობაში დასდო ბრალი.
გაეროს სისხლის სამართლის საერთაშორისო ტრიბუნალის მექანიზმის ცნობით, აკაი ამჟამად გათავისუფლებულია, თუმცა თურქულმა მხარემ მას პასპორტი ჩამოართვა და ქვეყნის დატოვება აუკრძალა.
მოსამართლე თურქეთში 2016 წლის 21 სექტემბერს დააკავეს, გაეროს სამართლის საერთაშორისო ტრიბუნალის მექანიზმის განცხადებით, თურქეთმა დაარღვია აკაის დიპლომატიური იმუნიტეტი, თურქული მხარე კი მიიჩნევს, რომ გაეროს ინსტანცია ქვეყნის საშინაო პოლიტიკაში უხეშად ერევა.
