დაკავებული დეკანოზის, გიორგი მამალაძის ოჯახი პატრიარქს შეხვდა. მამალაძის ოჯახმა საპატრიარქო რამდენიმე წუთის წინ დატოვა. გიორგი მამალაძის ძმის,თორნიკე მამალაძის თქმით შეხვედრა იწერებოდა არასწორი ინფორმაციის გავრცელების თავიდან ასარიდებლად
„ჩვენ ტყუილის თქმა არ გვჭირდება. პატრიარქმა დააფიქსირა იგივე პოზიოცია და თქვა, რომ მე მამა გიროგისგან არ მსმენია ცუდიო. ეს ყველაფერი არის საქართველოს დისკრედიტაციის საქმე. მამა გიორგის დაჭერა საქართველოს დისკრედიტაციისაკენ არის მიმართული. აქედან გამომდინარე ცდილობდნენ პატრიარქის საუბარიც შეეწყვიტათ და სიტყვას აწყვეტინებდნენ. პატრიარქმა დაგვლოცა, ჩვენი სიტყვა მოისმინა, პატრიარქმა ჩემი ინტერვიუ გამახსენა, რომელიც ასავალ-დასავალში დაიბეჭდა. სხვა არაფერი არ უკითხავს ჩემს ინტერვიუსთან დაკავშირებით,“ - აცხადებს თორნიკე მამალაძე.
თორნიკე მამალაძის განცხადებით, საქართველოს პატრიარქს არ ჰქონდა ინფორმაცია იმის შესახებ, რომ მამა გიორგი მამალაძე ზიარებას უკვე ოთხი თვეა უშედეგოდ ითხოვს. მამალაძს განცხადებით, ამ ინფორმაციის ილია მეორისთვის მიწოდება სცადა, თუმცა მათ სიტყვა მამა დავით ჯინჭარაულმა შეაწყვეტინა.
„დავით ჯინჭარაულმა თქვა, რომ ხვალ ზეგ შევალთ და ვაზარებთო, რათა არ გვეთქვა, რომ მამა გიორგი ოთხი თვეა ითხოვს ზიარებას,“-აცხადებს თორნიკე მამალაძე.
