ამერიკელი სტუდენტის ოტო ვარმბაიერის გარდაცვალების შემდეგ, ვინც ჩრდილო კორეის ციხეში 17 თვე გაატარა და კომატოზურ მდგომარეობაში შინ გასულ კვირას დააბრუნეს, ოფიციალურმა ფხენიანმა აშშ-ის პრეზიდენტს „ფსიქოპათი“ უწოდა.

როგორც ჩრდილო კორეის მთავარი გაზეთი იტყობინება, ამერიკის პრეზიდენტი საშინაო პოლიტიკაში განვითარებული მოვლენების გამო, ოფიციალურ ფხენიანზე შეტევით ქვეყნის შიგნით განვითარებული მოვლენებისგან ყურადღების გადატანას ცდილობს.

„სამხრეთ კორეამ უნდა გააანალიზოს, რომ ფსიქოპათი ტრამპის მხარდაჭერა, მათ დაღუპავს.“ - ნახსენებია ოფიციალური ფხენიანის მთავარ საინფორმაციო (იდეოლოგიურ) გაზეთში.

Agency france press ცნობით, აშშ-სა და ჩრდილოეთ კორეას შორის ურთიერთობები ოტო ვარმბაიერის გარდაცვალების შემდეგ უფრო მეტად დაიძაბა.

მომხდართან დაკავშირებით პრეზიდენტმა დონალდ ტრამპმა განაცხადა, რომ აუცილებლად მიიღებს საჭირო ზომებს, რათა ის ტრაგედია, რაც ოტო ვარმბაიერს შეემთხვა აღარ განმეორდეს.

ტრამპის განცხადებას გამოეხმაურა სამხრეთ კორეის პრეზიდენტი მუნ ჯა-ინი, მან CBS-თან ინტერვიუში ჩრდილო კორეას „ირაციონალური რეჟიმი“ უწოდა.