„ნაციონალური მოძრაობის“ თბილისის მერობის კანდიდატის ზაალ უდუმაშვილის საარჩევნო შტაბს საგარეო საქმეთა ყოფილი მინისტრი გრიგოლ ვაშაძე უხელმძღვანელებს, - ამის შესახებ ზაალ უდუმაშვილმა დღეს გამართულ პრესკონფერენციაზე განაცხადა. უდუმაშვილმა რუსთაველის გამზირზე საარჩევნო შტაბი ოფიციალურად გახსნა.
"პარტიაში არის სრული მობილიზაცია, რომ მან დაიწყოს ბრძოლა თბილისის გადასარჩენად", - აღნიშნა მერობის კანდიდატმა. მისივე განმარტებით, საარჩევნო შტაბის კარი ღიაა ყველასთვის 24 საათის განმავლობაში და ნებისმიერ მსურველს შეუძლია მისვლა და საკუთარი მოსაზრებებისა და პრობლემების გაცნობა.
