ავსტრიამ თურქეთის ეკონომიკის მინისტრი ნიჰათ ზეიბეკი ქვეყანაში არ შეუშვა. Reuters-ის ინფორმაციით, მინისტრი აპირებდა იმ ღონისძიებას დასწრებოდა, რომელიც თურქეთში დაგეგმილი სამხედრო გადატრიალებიდან 1 წლის თავისადმი იყო მიძღვნილი. 

ავსტრიის საგარეო საქმეთა სამინისტროს მიერ გავრცელებული ინფორმაციით, დაგეგმილი იყო მასშტაბური ღონისძიება, რაც ავსტრიაში საზოგადოებრივი წესრიგისა და უსაფრთხოებისთვის საფრთხეს წარმოადგენდა. 

მანამდე თურქეთის პრემიერ-მინისტრის მოადგილეს ჰოლანდიის მთავრობამაც უთხრა უარი ქვეყანაში შეშვებაზე, რომელიც მსგავს ღონისძიებას უნდა დასწრებოდა ჰოლანდიაში. 

ავსტრია ევროკავშირის ქვეყნებს შორის ერთ-ერთი იყო, რომელიც მწვავედ აკრიტიკებდა თურქეთს გასული წლის ივლისის მოვლენების გამო. 2016 წლის ივლისში თურქეთში ამბოხების მცდელობას 240 ადამიანის სიცოცხლე ემსხვერპლა. ამ მოვლენების გამო, გასული წლიდან თურქეთში 50 000 ადამიანზე მეტი დააკავეს, 150 000 ადამიანი კი სამსახურიდან გაათავისუფლეს, მათ შორის ჯარისკაცები, პედაგოგები  და საჯარო მოსამსახურეები.