გუშინ ვარშავაში პარლამენტის წინ ათასობით ადამიანმა სასამართლოს რეფორმა გააპროტესტა. აქციის მონაწილეები მიიჩნევენ, რომ მოსალოდნელი ცვლილებები საფრთხეს შეუქმნის სასამართლოს დამოუკიდებლობას პოლონეთში.
aljazeera-ს ინფორმაციით, გასულ კვირას პარლამენტმა განსახილველად მიიღო კანონპროექტი, რომელიც, როგორც დემონსტრანტები აცხადებენ, კონსერვატიულ პარტიას სასამართლოს კონტროლის შესაძლებლობას მისცემს.
აქციის ორგანიზატორი იყო პროდემოკრატიული მოძრაობა KOD, რომელიც მთავრობის მიმართ კრიტიკულადაა განწყობილი. დემონსტრანტებს ოპოზიციური პარტიის წევრებიც შეუერთდნენ
კანონპროექტი, რომელიც პოლონეთის პარლამენტმა მიიღო განსახილველად, იუსტიციის მინისტრს უფლებამოსილებას ანიჭებს, დაასახელოს მთავარი მოსამართლეები ევროკავშირის საერთო სასამართლოების წევრებად.
დეპუტატებმა ასევე განიხილეს კანონპროექტი, რომლის მიხედვითაც, პარლამენტი აირჩევს მართლმსაჯულების ეროვნული საბჭოს წევრებს, საბჭოს როლი კი სასამართლოს დამოუკიდებლობის დაცვა იქნება.
კონსერვატიულმა პარტიამ ასევე ცალკე კანონპროექტი წარადგინა. კანონპროექტით, უზენაესი სასამართლო ხელისუფლებას უნდა დაემორჩილოს
ფოტო: krakowpost
