საზოგადოებრივმა მაუწყებელმა ტენდერი გამოაცხადა 20 (ოცი) ერთეული მაღალი გამავლობის მსუბუქი ავტომობილების (ჯიპების) სახელმწიფო შესყიდვაზე, თანმდევი საგარანტიო პირობების ფარგლებში გეგმური ფასიანი მომსახურებით. სატენდერო დოკუმენტაციის მიხედვით, შესყიდვის ობიექტების სავარაუდო ღირებულებაა - 1 007 665 ლარი.

საზოგადოებრივი მაუწყებლის მედიისა და კომუნიკაციის ხელმძღვანელის, თიკო ბერძენიშვილის თქმით, აღნიშნული ავტომანქანები განკუთვნილი იქნება ჟურნალისტებისთვის. 

„ეს იქნება ორგანიზაციისთვის, კერძოდ, ჟურნალისტებისთვის. აქვე უნდა აღვნიშნო, რომ საზოგადოებრივ მაუწყებელში მენეჯმენტი საზოგადოებრივი მაუწყებლის ავტომანქანებით არ სარგებლობს. ყველას ჰყავს პირადი მოხმარების თავისი ავტომანქანა. ამ ავტომანქანებით სარგებლობს ორგანიზაცია, ძირითადად ჟურნალისტები. ორგანიზაციის საჭიროების შემთხვევაში, გამოიყენებს ვისაც სჭირდება, მათ შორის გამონაკლისი არ იქნება მენეჯმენტიც“, - განაცხადა „ლიბერალთან“ საზოგადოებრივი მაუწყებლის მედიისა და კომუნიკაციის ხელმძღვანელმა თიკო ბერძენიშვილმა.