2017 წლის 28 მარტიდან ევროკავშირთან უვიზო რეჟიმით საქართველოს 55 ათასმა მოქალაქემ ისარგებლა, რომელთაგან 90 დღის ვადაში საქართველოში ამ ეტაპზე 3 ათასი არ დაბრუნებულა - ამის შესახებ „ინტერპრესნიუსს" შს მინისტრის მოადგილემ, შალვა ხუციშვილმა განუცხადა.
ხუვიშვილის თქმით, ჯერჯერობით ვერ ვიტყვით, რომ ამ ადამიანებმა ევროკავშირთან უვიზოდ მიმოსვლის პირობები დაარღვიეს, რადგან შესაძლოა, ზოგიერთ მათგანი იმ ქვეყანაში გადავიდა, რომელთანაც საქართველოს უვიზო მიმოსვლა აქვს.
28 მარტს, საქართველოს ვიზალიბერალიზაციის შესახებ ევროკავშირის ჟურნალში გამოქვეყნებული რეგულაცია ამოქმედდა, რაც იმას ნიშნავს, რომ საქართველოს მოქალაქეებს ევროკავშირის წევრ 22 ქვეყანაში, 4 არაწევრ და შენგენის წევრობის 4 კანდიდატ ქვეყანაში უვიზოდ მოგზაურობა შეუძლიათ.
