სააკაშვილს უნდა ჰქონოდა საქართველოს მოქალაქეობა და უარი არ უნდა ეთქვა ქვეყანაზე, - ამის შესახებ საქართველოს პრეზიდენტმა, გიორგი მარგველაშვილმა პრეზიდენტის სასახლეში საქართველოში აკრედიტებული უცხოური მედიის წარმომადგენლებთან შეხვედრისას განაცხადა.
„როდესაც ბატონმა სააკაშვილმა უარი თქვა მოქალაქეობაზე, მე ვთქვი, რომ ეს ძალიან დასანანი იყო, რადგან საქართველოს პრეზიდენტს, თუნდაც ყოფილს, რომელიც ორჯერ იყო არჩეული ამ თანამდებობაზე, უნდა ჰქონოდა საქართველოს მოქალაქეობა და უარი არ უნდა ეთქვა ქვეყანაზე, რომელმაც ორჯერ ანდო პირველი პირის და ქვეყნის მთავარსარდლის როლი“, - აღნიშნა გიორგი მარგველაშვილმა.
