ბორჯომის ტყეში, სადაც ბენზინის ბიდონი იპოვეს, კრიმინალური და საპატრულო პოლიციის წარმომადგენლები მივიდნენ.
შინაგან საქმეთა სამინისტროში აცხადებენ, რომ ბორჯომის ტყეში გაჩენილ ხანძართან დაკავშირებით გამოძიება „სისხლის სამართლის კოდექსის“ 187-ე მუხლით მიმდინარეობს და სწორედ ამ გამოძიების ფარგლებში მოხდა რეაგირება ტყეში ბიდონის აღმოჩენის საკითხზეც.
ბორჯომის ტყეში ბიდონის პოვნის თაობაზე ინფორმაცია სოციალურ ქსელში სამოქალაქო აქტივისტმა აკა სინჯიკაშვილმა გაავრცელა.
„დილას, ბორჯომის ტყეში ბენზინიანი, ოცლიტრიანი ბიდონი ვიპოვეთ. პატრული მოვიყვანე, მერე შსს მოვიდა. შეაფასეს, გამომძიებელი გამოიძახეს და ძიება დაიწყო. ახლა ჩვენებაზე ვარ. სხვა ადგილას ქალსაც უპოვია ორი ცალი ბენზინიანი ბიდონი ტყეში“, - წერს სინჯიკაშვილი.
