თბილისის მერობის დამოუკიდებელი კანდიდატი ალექსანდრე ელისაშვილი ცენტრალურმა საარჩევნო კომისიამ მერობის კანდიდატად ოფიციალურად დაარეგისტრირა. დღეს გამართულ ბრიფინგზე ალექსანდრე ელისაშვილმა განაცხადა, რომ ცენტრალურ საარჩევნო კომიასიაში შემჭიდროებულ ვადებში მიიტანეს ორჯერ მეტი ხელმოწერა, ვიდრე ეს საჭირო იყო.
„გუშინ საღამოს, საქართველოს ცენტრალურმა საარჩევნო კომისიამ აქტი გამოსცა და მე დამარეგისტრირა თბილისის მერობის დამოუკიდებელ კანდიდატად. როგორც ცნობილია, შემჭიდროებულ ვადებში მომთხოვეს 10 000 ხელმოწერის მიტანა და ჩვენ ორჯერ უფრო მეტი - 20000 ხელმოწერა მივიტანეთ“, - განაცხდა ელისაშვილმა.
მისი თქმით, ის ენთუზიაზმი, რომელიც ხალხმა გამოავლინა ხელმოწერების შეგროვების დროს აძლევს იმედს, რომ ოქტომბერში ხალხთან ერთად მნიშვნელოვან გამარჯვებას მიაღწევს.
