„რესპუბლიკურმა პარტიამ“ თვითმმართველობის არჩევნებისთვის თბილისის საკრებულოს პროპორციული სიის პირველი ხუთეული დაასახელა. კანდიდატები პარტიის ერთ-ერთმა დამფუძნებელმა ლევან ბერძენიშვილმა წარადგინა.

1. ხათუნა სამნიძე

2. მიხეილ ჩემია

3. დავით ბერძენიშვილი

4.. თამარ კორძაია

5. ლაშა ომარაშვილი

ლევან ბერძენიშვილის თქმით, სიის პირველი ნომერი იქნება ხათუნა სამნიძე, რეპუბლიკური პარტიის თავმჯდომარე.

„ის არის პრინციპული ღირებულებების დამცველი, ჩვენი დიდი და სერიოზული ძალა, რომლის დიდი იმედიც გვაქვს“,-განაცხდა ბერძენიშვილმა

„სიის მეორე ნომერი იქნება მიხეილ ჩემია, ჩვენი ამომავალი ვარსკვლავი, რომელიც ქართულ პოლიტიკაში დიდ და მნიშვნელოვან სიტყვას იტყვის. მესამე ნომერი კი იქნება დავით ზურაბიშვილი,  გამოცდილი კადრი ქართულ პოლიტიკაში, რომელიც ამ ახალ შემადგენლობას თავისი ძველი გამოცდილებით დააბალანსებს. ის იყო მინისტრის მოადგილე, იყო პარლამენტის წევრი, ამჟამად არის საკრებულოს წევრი, არის ცნობილი საბავშვო მწერალი და ბრწყინვალე ჟურნალისტი, ბლოგერი. ხოლო, მეხუთე ნომერი არის ლაშა ომარაშვილი, ფანტასტიკური ადამიანი, რომელიც 8 წელი ბერად იყო ათონის მთაზე. არის ლიბერალიზმის სერიოზული მედროშე და შესანიშნავი ისტორიკოსი“,- განაცხადა ბერძენიშვილმა სიის პრეზენტაციაზე. 

ბერძენიშვილის თქმით, სიის შემდეგ 5 წევრს მოგვიანებით წარადგენენ.