სახელმწიფო აუდიტის პოლიტიკური პარტიების ფინანსური მონიტორინგის სამსახურმა აგვისტოს თვის პარტიების შეწირულობების შესახებ ანგარიში გამოაქვეყნა. აგვისტოს თვეში პარტიამ „ევროპული საქართველო-მოძრაობა თავისუფლებისთვის“ სულ 287,439.95 ლარი მიიღო. იგი აგვისტოში მიღებული შემოწირულობის რაოდენობით მხოლოდ „ქართულ ოცნებას" ჩამორჩება.
„ევროპული საქართველო - მოძრაობა თავისუფლებისთვის“ მსხვილი შემწირველები არიან:
1. აკაკი კილასონია - 42 000 ლარი
აკაკი კილასონია პარტია „ევროპული საქართველოს“ წევრი და თვითმმართველობის არჩევნებში საბურთალოს მაჟორიტარობის კანდიდატია.
2. ირაკლი უგულავა -15 000 ლარი
ირაკლი უგულავა „ევროპული საქართველოს“ წევრი და თბილისის ყოფილი მერის გიგი უგულავას ძმაა. მისი სახელი „საერთაშორისო გამჭვირვალობა - საქართველოს“ 2013 წლის კვლევაში ფიგურირებს. კვლევის მიხედვით, 2012 წლის 10 ოქტომბერს საქართველოს მაშინდელი პრეზიდენტის, მიხეილ სააკაშვილის განკარგულებით შპს „ჯეოლენდს“, რომლის 50%-იანი წილის მფლობელი ირაკლი უგულავა იყო, პირდაპირი მიყიდვის წესით ერთ ლარად გადაეცა სახელმწიფო საკუთრებაში არსებული უძრავი ქონება, კერძოდ, 8 000 კვ. მ. არასასოფლო-სამეურნეო დანიშნულების მიწის ნაკვეთი ყაზბეგის მუნიციპალიტეტში.
ხუთ ყველაზე მსხვილ შემწირველს შორის არიან გიორგი წასიძე, გიორგი ტუღუში და ზაზა კედელაშვილი, რომლებიც „ევროპული საქართველოს“ წევრები არიან.
3. გიორგი წასიძე - 10 000 ლარი
4. გიორგი ტუღუში - 10 000 ლარი.
5. ზაზა კედელაშვილი - 7 000 ლარი
- აგვისტოს თვეში „ქართულ ოცნება- დემოკრატიულ საქართველოს“ შეწირულობებმა შეადგინა 4,555,993 ლარი.
- ალექსანდრე ელისაშვილის ფონდი - 9,769.97 ლარი
- „ახალი პოლიტიკური ცენტრი - გირჩი“ - 7,000 ლარი
- „ერთიანი ნაციონალური მოძრაობა“, - 5,330 ლარი
- „ერთიანი ნაციონალური მოძრაობა“ - 5,330 ლარი
- „ეროვნული ფორუმი“ - 2,415 ლარი
- „ეროვნულ-დემოკრატიული პარტია“ - 1,112 ლარი
- „საქართველოს ერთიანი კომუნისტური პარტია“ - 136 ლარი
- საქართველოს რესპუბლიკური პარტია - 20 ლარი
