აგვისტოს თვეში „ქართული ოცნების“ შემწირველთა შორის ოთხი კომპანიაა, რომელთა შეწირულობა 100 000 ლარს უტოლდება ან აღემატება. ერთ-ერთი მათგანი - ეიჩე-რენტალი სს RMG Copper-ის ყოფილ დირექტორთან აფილირებული კომპანიაა.

ეიჩე-რენტალმა აგვისტოს თვეში „ქართულ ოცნებას“ 100 000 ლარი შესწირა. კომპანიის 20%-იან წილს გია მუჯირი ფლობს, 80%-ს კი შპს კავკასიის ტექნიკური სერვისის ჯგუფი, რომლის 25%-იანი წილის მფლობელი დიმიტრი კალანდაძეა.

დიმიტრი კალანდაძე 2012 -2013 წლებში RMG Copper-ის გენერალური დირექტორი იყო.

შპს კავკასიის ტექნიკური სერვისის ჯგუფის, ასევე 25%-იანი წილის მფლობელმა ლაშა ჯინჭარაძემ კი „ქართულ ოცნებას“ აგვისტოში, თავის მხრივ, 50 000 ლარი შესწირა.

გთავაზობთ აგვისტოში „ქართლი ოცნების“ ხუთ ყველაზე მსხვილ 5 შემწირველს:

• 120,000 - იურიდიული პირი ჯი-ემ-პი - დირექტორი გიორგი ანთაძე, 100%-იანი წილის მფლობელი ლინა თოფურია
• 110,000 - იურიდიული პირი პ და ლ - დირექტორი გიორგი ჭიორელი, 90%-იანი წილის მფლობელი ლევან კაჭარავა, 10%-იანი წილის მფლობელი ნატალია ნატროშვილი
• 100,000 - იურიდიული პირი ზღვის პროდუქტები - დირექტორი დავით კვანტალიანი, 100%-იანი წილის მფლობელი დავით წიწილაშვილი
• 100,000 - იურიდიული პირი ეიჩე-რენტალი - დირექტორი კონსტანტინე კვერნაძე, 20%-იანი წილის მფლობელი გია მუჯირი, 80%-იანი წილის მფლობელი შპს კავკასიის ტექნიკური სერვისის ჯგუფი
• 70,000 - იურიდიული პირი პარტნიორი - დირექტორი მურთაზ ყობიაშვილი, 27.33%-იანი წილის მფლობელი მურთაზ ყობიაშვილი, 36%-იანი წილის მფლობელი რუსუდან გაფრინდაშვილი, 9,17%-იანი წილის მფლობელი მერაბ კაპანაძე, 27,5%-იანი წილის მფლობელი ზურაბ იაკობიძე