საქართველოს პროფესიული კავშირების გაერთიანების თავმჯდომარედ ირაკლი პეტრიაშვილის არჩევას თავმჯდომარეობის ყოფილი კანდიდატი დათო ოქიტაშვილი გამოეხმაურა.
„მე დილით თქვი, რომ ამ უთანასწორო ბრძოლაში გაიმარჯვებდა ირაკლი პეტრიაშვილი. მე ამ ცირკში, რაც პეტრიაშვილმა დადგა, ვერ მივიღებდი მონაწილეობას. იმიტომ, რომ მე ჩემს თავთან ვიქნებოდი წინააღმდეგობაში. იმიტომ, რომ მე შეტანილი მაქვს სარჩელი სასამართლოში. მე შეტანილი მაქვს იუსტიციის სამინისტროში განცხადება და ხვალ ან ზეგ მივმართავ პროკურატურას", - აცხადებს ოქიტაშვილი და აღნიშნავს, - „მე ბრძოლას არ შევწყვეტ. მე გავაგრძელებ ბრძოლას და გარწმუნებთ, ირაკლი პეტრიაშვილი თავისით გადადგება და წავა, ან დაიჭერენ. ჩემი სამომავლო გეგმა არის ბრძოლის მიყვანა გამარჯვებამდე".
პროფესიული კავშირების გაერთიანების თავმჯდომარედ ირაკლი პეტრიაშვილი 139-მა დელეგატის მხარდაჭერით აირჩიეს. მისმა კონკურენტმა ამირან ზენაიშვილმა კი 62 ხმა მიიღო. დათო ოქიტაშვილმა კანდიდატურა კენჭისყრის დაწყებამდე მოხსნა.