თბილისის მერმა, დავით ნარმანიამ დღეს რეაბილიტირებული პეკინის ქუჩა გახსნა. მისი თქმით, 23 სექტემბრიდან პეკინის, კანდელაკისა და შარტავას ქუჩებზე საზოგადოებრივი ტრანსპორტი ორმხრივად იმოძრავებს. პეკინის ქუჩაზე ავტობუსებისა და მიკროავტობუსებისათვის Bus line მოეწყო, რაზეც საზოგადოებრივი ტრანსპორტი იმოძრავებს.
დავით ნარმანიამ აღნიშნა, რომ პეკინისა და მიცკევიჩის ქუჩების კვეთაზე მომავალში გათვალისწინებულია მიწისქვეშა პარკინგის მშენებლობა, სადაც 200-მდე მანქანის განთავსება იქნება შესაძლებელი.
