"ჩაქვში, სოფელ ჩაისუბანში სამრეკლოს კედელზე „ქართული ოცნების“ ქობულეთის მერობის კანდიდატის, მირიან ქათამაძის საარჩევნო პლაკატია გაკრული. 

ფოტოებს „აჭარის ტელევიზია“ ავრცელებს. 

საარჩევნო კოდექსის 46-ე მუხლის მეორე პუნქტის მიხედვით, საარჩევნო პლაკატების გაკვრა აკრძალულია  საკულტო ნაგებობებზე, კულტურული მემკვიდრეობის შენობა-ნაგებობებზე,  სახელმწიფო ხელისუფლების და ადგილობრივი თვითმმართველობის ორგანოების, სასამართლოების, პროკურატურის, სამხედრო შენაერთების, პოლიციის, სახელმწიფო უსაფრთხოებისა და დაზვერვის სამსახურების, სახელმწიფო დაცვის სპეციალური სამსახურის დანაყოფების შენობების ექსტერიერსა და ინტერიერზე. აგრეთვე საგზაო ნიშნებზე.  

ფოტოს ავტორი: გიორგი წეროძე.  ჩაქვი, სოფელი ჩაისუბანი