კატალონიის ხელისუფლების ინფორმაციით, 337 ადამიანი დაშავდა პოლიციასთან შეტაკებებში. პოლიცია ცდილობდა, ჩაეშალა რეფერენდუმი, რომელიც კატალონიის ესპანეთისგან დამოუკიდებლობის საკითხს ეხება.
ესპანეთის მთავრობამ განაცხადა, რომ შეაჩერებდა გამოკითხვას, რომელიც ქვეყნის საკონსტიტუციო სასამართლომ უკანონოდ ცნო.
BBC-ის ცნობით, პოლიცია რეფერენდუმის პროცესს აფერხებს და შენობებიდან გამოაქვს საარჩევნო ყუთები და ბიულეტენები. ბარსელონაში კი პოლიციამ რეზინის ტყვიები და ხელკეტები გამოიყენა.
დაშავებულთა რაოდენობა კატალონიის რეგიონული მთავრობის სპიკერმა და ჯანდაცვის დეპარტამენტმაც დაადასტურეს.
ესპანეთის შსს-ს განცხადებით, კი დაშავებულია 11 პოლიციელი. პრესკონფერენციაზე ესპანეთის ვიცე-პრემიერმა პოლიციის ქმედებები პროფესიონალიზმად შეაფასა. მისი თქმით, „ძალა პროპორციულად იყო გამოყენებული“.
კატალონიის ლიდერმა კარლეს პუჩდემონმა კი დაგმო პოლიციის ქმედებები: ძალადობის გაუმართლებელი გამოვლენაა... ესპანეთის სახელმწიფო კატალონიელი ხალხის ნებას ვერ შეაჩერებს.
La répression et la violence pour empêcher les gens de voter. Une honte! @marianorajoy a déjà perdu! pic.twitter.com/b8XGSEb8LM
— Mathias Reynard (@MathiasReynard) October 1, 2017
