თამარ ალანია მოსამართლედ უვადოდ გამწესდა. იუსტიციის უმაღლესმა საბჭომ ეს გადაწყვეტილება ცოტა ხნის წინ მიიღო. ალანიას გამწესებას  მხარი საბჭოს 11-მა წევრმა დაუჭირა.

ამჟამად თამარ ალანია თბილისის სააპელაციო სასამართლოს სამოქალაქო საქმეთა პალატაში მუშაობს.

ამ წუთებში იუსტიციის უმაღლეს საბჭოში სხვა კანდიდატების კენჭისყრა მიმდინარეობს. უვადო მოსამართლეობაზე განცხადება საბჭში 38-მა კანდიდატმა შეიტანა.

აღსანიშნავია, რომ დღევანდელ კენჭისყრაში არ მონაწილეობს საბჭოს თავმჯდომარე ნინო გვენეტაძე. მისი თქმით, არის მნიშვნელოვანი საკითხები, რომლებზეც გადაწყვეტილების მიღების ვალდებულება საბჭოს აქვს.

„კენჭისყრა ჩატარდება, თუმცა მე არ ვიღებ მონაწილეობას ჩემი პასუხისმგებლობის განცდით, იმიტომ, რომ მე არ მაქვს ბევრ კითხვაზე პასუხი", - განაცხადა გვენეტაძემ.

კენჭისყრის პროცესში არც საბჭოს არამოსამართლე წევრები - ნაზი ჯანეზაშვილი და ვახტანგ მჭედლიშვილი მონაწილეობენ.