მას შემდეგ, რაც 2 ოსკარის მფლობელი ამერიკელი მსახიობი კევინ სპეისი კოლეგა ენტონი რაპმა სექსუალურ შევიწროებაში დაადანაშაულა, სპეისიმ Twitter-ზე ბოდიში მოიხადა და განაცხადა, რომ გეია.
ენტონი რაპმა Buzzfeed-თან ინტერვიუში განაცხადა, რომ 1986 წელს 14 წლის ასაკში 26 წლის კევინ სპეისის მხრიდან სექსუალური შევიწროების მსხვერპლი გახდა.
ინტერვიუს გამოქვეყნებიდან რამდენიმე საათში სპეისიმ Twitter-ზე დაწერა, რომ შეძრწუნებულია ამ ამბის მოსმენით. მისი თქმით, ასეთი ისტორია საერთოდ არ ახსენდება, რადგან ეს 30 წლის წინ მოხდა და იმ პერიოდში ხშირად სვამდა.
„და თუ ასე მოვიქეცი, დიდი ბოდიში მაქვს მოსახდელი, ძალიან ვწუხვარ, რომ მან ამ განცდებით იცხოვრა ამ ხნის განმავლობაში“, - წერს სპეისი.
მსახიობმა დასძინა, რომ წლების განმავლობაში მას რომანტიკული ურთიერთობა ჰქონდა ქალებთან და კაცებთან, მაგრამ თავს ჰომოსექსუალად მიიჩნევს.
— Kevin Spacey (@KevinSpacey) October 30, 2017
