„სამოთხის დოკუმენტები" - ასე უწოდებენ გამოაშკარავებულ ფინანსურ დოკუმენტებს, რომლებიც ცხადყოფს, რომ მსოფლიო მასშტაბით უამრავი მდიდარი და ცნობილი ადამიანი ფულს ოფშორულ კომპანიებში ინახავს. BBC-ის ინფორმაციით, მათ შორის არის ინგლისის დედოფალი ელიზაბედ მეორეც.
„სამოთხის დოკუმენტები" 13,4 მლნ-მდე დოკუმენტს მოიცავს. მათ დამუშავებაზე 100-მდე მედიაორგანიზაცია მუშაობდა, მათ შორის BBC Panorama.
„პანამის დოკუმენტების" მსგავსად, ფაილები ამჯერადაც გერმანულმა გაზეთმა Süddeutsche Zeitung-მ მოიპოვა და დასამუშავებლად „გამომძიებელ ჟურნალისტთა საერთაშორისო კონსორციუმს" გადასცა.
მოპოვებული დოკუმენტების თანახმად, ოფშორში დედოფალ ელისაბედის პირადი ქონებიდან 13 მლნ დოლარი ინახება. თანხა კაიმანის კუნძულებსა და ბერმუდაში არსებულ ფონდებშია დაცული.
BBC-ის ცნობით, ინვესტიციაში არალეგალური არაფერია და ეს იმას არ ნიშნავს, რომ დედოფალი გადასახადებს თავს არიდებს, თუმცა ფაქტმა შესაძლოა შეკითხვა გააჩინოს, უნდა ინახავდეს თუ არა მონარქი ფულს ოფშორში.
„სამოთხოს დოკუმენტებში" ასევე მოხვდნენ დონალდ ტრამპის მრჩეველი სავაჭრო საკითხებში, რომელსაც პუტინის მოკავშრეებთან ბიზნესურთიერთობა ჰქონდა და კანადის პრემიერთან დაახლოებული პირი, რაც შესაძლოა, კანადელებს მილიონობით დოლარი დაუჯდეს.