მწერალთა და საზოგადო მოღვაწეთა მთაწმინდის პანთეონში ქართველი პოეტის, ჯანსუღ ჩარკვიანის დაკრძალვის ცერემონიაზე, საქართველოს პირველი პრეზიდენტის, ზვიად გამსახურდიას მომხრე ორმა ქალმა პლაკატები გაშალა და ჯანსუღ ჩარკვიანის პანთეონში დაკრძალვის გადაწყვეტილება გააპროტესტა.
როგორც ჟურნალისტებთან საუბრისას ლეილა ცომაიამ განაცხადა, მათ მხოლოდ ორი ტრანსპარანტი ჰქონდათ და მდუმარე აქციის გამართვას აპირებდნენ. „ნუ გადააქცევთ მთაწმინდას ნომენკლატურული მწერლების საძვალედ”; „გადაასვენეთ მთაწმინდიდან კეკე, გრიბოედოვი და ჭაბუაც”, - ეწერა პლაკატებზე.
დაკრძალვაზე მისულმა პირებმა, მათ შორის სააგენტო „რეპოსტიორის" გენერალურმა დირექტორმა და „ასავალ-დასავალის" ყოფილმა ჟურნალისტმა გიორგი მამაცაშვილმა პლაკატი დახიეს.
ვიდეო: ტელეკომპანია „იმედი"
„გარეწარი ესა", - მიმართა ერ-ერთ ქალს ხელოვნების მუშაკთა პროფესიული კავშირის თავმჯდომარე დათო ოქიტაშვილმა.
