პარტია „ევროპული საქართველოს” ერთ-ერთმა ლიდერმა სერგო რატიანმა დღეს განაცხადა, რომ საპარლამენტო უმცირესობა სახალხო დამცველის პოსტზე ნინო ლომჯარიას კანდიდატურის მხარდაჭერას არ აპირებს. მისი თქმით, ლომჯარია სახელმწიფო სტრუქტურაში მუშაობდა და ის კრიტიკული არ იყო ხელისფლების მიმართ.
„პრობლემა მდგომარეობს მის ბოლოდროინდელ საქმიანობაში და ასევე იმაში, თუ როგორ შეირჩა სახალხო დამცველის კანდიდატურა”, - განუცხადა ჟურნალისტებს სერგო რატიანმა.
რატიანის თქმითლ, არასამთავრობო ორგანიზაციებმა პარლამენტს სახალხო დამცველის პოსტზე 4 კანდიდატი შესთავაზა, თუმცა მმართველმა გუნდმა ნინო ლომჯარია ისე გამოარჩია, რომ შეთავაზებულ კანდიდატებთან მოსმენა არ გაუმართავს.
