საქართველოდან მაღალი იერარქიის სასულიერო პირები ვაშინგტონს ეწვივნენ. ვიზიტის დროს საქართველოს კათოლიკოს-პატრიარქის ქორეპისკოპოსმა და ბოდბელმა ეპისკოპოსმა იაკობმა „რუსთავი 2-თან“ ინტერვიუში განაცხადა, რომ საქართველოს სუვერენიტეტს ამერიკის შეერთებული შტატები იცავს. მისი თქმით, მართლმადიდებელ ეკლესიას ხშირად „მიაბამენ ხოლმე რაღაც სივრცეს“, მაგრამ ეკლესია ყოველთვის დაიცავს საქართველოს ინტერესებს.
„ჩემი აზრია და ალბათ საქართველოს მოსახლეობის უმეტესობა ასე ფიქრობს, რომ ერთადერთი შემაკავებელი ფაქტორი იმისა, რომ ჩვენი ტერიტორიების ოკუპაცია არ მოხდეს, არის აშშ, ჩვენი სტრატეგიული პარტნიორი. მასთან ურთიერთობა არის ჩვენთვის ძალიან მნიშვნელოვანი. მნიშვნელოვანია, რომ მათ ჩვენ გაგვიცნონ. ჩვენზე ათასი ჭორი თუ მართალი ითქმევა ხოლმე და მიგვაბამენ ხოლმე რაღაც სივრცეს. მაგრამ ყველამ იცოდეს, რომ ქართული ეკლესია ყოველთვის იქნება იქ, სადაც სჭირდება საქართველოს, სადაც სჭირდება საქართველოს ტერიტორიის გამთლიანებას.“ - თქვა იაკობმა.
