კახა კალაძის გადაწყვეტილებით, თბილისის მერიაში 19 კომისია უქმდება. ამის შესახებ კალაძემ დედაქალაქის მთავრობის სხდომაზე განაცხადა.
მისი თქმით, აღნიშნული გადაწყვეტილება ბიუროკრატიის შემცირებისა და მუშაობის ეფექტიანობის გაზრდის მიზნით მიიღო.
„ბიუროკრატიის შემცირების, გადაწყვეტილებების დროულად მიღებისა და მუშაობის მეტი ეფექტიანობის მიზნით, ვაუქმებთ თბილისის მთავრობის მიერ შექმნილ 19 კომისიას. ამ მიზნით ცვლილებები შევა შესაბამის სამართლებრივ აქტებში“, - განაცხადა კალაძემ.
ასევე, თბილისის მერის, კახა კალაძის თქმით, თბილისის მერიაში ე.წ. ზონალური საბჭო უნდა გაუქმდეს. ზონალური საბჭოს ფუნქციები მერიის შესაბამის სამსახურებზე გადანაწილდება.
