ნინო ლომჯარია დღეს პარლამენტის პლენარულ სხდომაზე სახალხო დამცველად აირჩიეს.

მას მხარი 96-მა დეპუტატმა დაუჭირა, 5 კი წინააღმდეგი იყო. 

ლომჯარიას კანდიდატურა პარლამენტში „ქართულმა ოცნებამ“ წარადგინა. უმრავლესობასთან ერთად მის კანდიდატურას მხარი დაუჭირა „ნაციონალურმა მოძრაობამ“, კენჭისყრაში მონაწილეობა არ მიიღო „ევროპულმა საქართველომ“, „პატრიოტთა ალიანსმა“ კი საკუთარი კანდიდატი  - გიორგი ფოფხაძე წარადგინა, რომელსაც პარლამენტმა მხარი არ დაუჭირა. გიორგი ფოფხაძემ 20 ხმა მიიღო, 27 კი წინააღმდეგი იყო. 

მოქმედ ომბუდსმენს უჩა ნანუაშვილს უფლებამოსილების ვადა 7 დეკემბერს ეწურება, ამის შემდეგ მას სახალხო დამცველის პოზიციაზე ნინო ლომჯარია ჩაანაცვლებს.