პარტია „ბატკივშჩინას“ ლიდერმა, იულია ტიმოშენკომ განაცხადა, რომ მიხეილ სააკაშვილის დაკავება მის მიმართ პოლიტიკური ტერორია და მხარდაჭერა სჭირდება. „მის სახლში შეიჭრნენ და იქ არ უშვებდნენ ადვოკატებს, დეპუტატებს. აიძულეს საქართველოს მესამე პრეზიდენტი, ასულიყო სახურავზე და მთელი ცივილიზებული სამყაროს წინაშე რჩებოდა შთაბეჭდილება, რომ ის აპირებდა სახურავიდან გადმოხტომას, რადგანაც ეს იყო მისი პროტესტი იმ პოლიტიკური მოქმედების წინააღმდეგ.“ - განაცხადა ტიმოშენკომ რადაში გამოსვლისას.
იულია ტიმოშენკოს თქმით, მისი პარტია სააკაშვილს მხარს დაუჭერს. „ჩვენ აქ უნდა ვიყოთ, გვერდით დავუდგეთ საქართველოს ექსპრეზიდენტს. არავის აქვს უფლება, რომ მთელი ცივილიზებული სამყაროს წინაშე პრაქტიკულად განახორციელოს პოლიტიკური ტერორი, რომელიც დღეს გახდა უკრაინის სახე.“ - განაცხადა რადაში ტიმოშენკომ.
