აუტიზმის მქონე ბავშვების მშობლები ქუთაისის მერიაში შეხვედრაზე იმყოფებიან. მშობლების მოთხოვნაა, რომ მერიამ 100%-ით უზრუნველყოს აუტიზმის სპექტრის დარღვევის მქონე ბავშვთა რეაბილიტაციის დაფინანსება. მარი კორკოტაძის თქმით, ეს პროგრამა ქუთაისში თითქმის ისეთივეა, როგორიც თბილისში, იმ განსხვავებით, რომ ნახევარს აქამდე აფინანსებდა ერთ-ერთი დონორი, ნახევარს კი მერია, თუმცა ახლა დონორი გავიდა პროგრამიდან და 40 ბავშვი რეაბილიტაციის გარეშე რჩება.
„დონორი ერთი წელი იყო ამ პროგრამაში, ახლა გავიდა და ფაქტობრივად ეს ნახევარი ვინ უნდა გადაიხადოს, არ ვიცით. ამიტომ მერიას მივმართეთ ჩვენ, რომ როგორც თბილისში, ბათუმსა და ზუგდიდში აფინანსებს ამ ბავშვებს 100%-ით, აქაც იგივე გააკეთონ. ერთი წელი ეხმარებოდა მათ დონორი. 40 ბავშვზეა დაახლოებით საუბარი, რომლებიც იმ შემთხვევაში, თუ არ დააფინანსებენ, ვერ მოხვდებიან პროგრამაში. ეს არის ჩვენი მოთხოვნა“, - განაცხადა მარი კორკოტაძემ.