დღეს სანკტ-პეტერბურგში გამართულ ძიუდოს მსოფლიო მასტერზე ქართველმა ძიუდოისტებმა სამი ოქროს მედალი მოიპოვეს.
ერთ-ერთი ოქროს მედალი ძიუდოისტმა ბექა ღვინიაშვილმა 90 კგ-ს წონით კატეგორიაში მოიპოვა. მან სამხრეთ კორეელი დონგან გვაკი დაამარცხა.
100 კგ-ს წონით კატეგორიაში ვარლამ ლიპარტელიანმა ჰოლანდიელი მიხაელ კორელი დაამარცხა. მესამე ოქროს მედალი კი ოთარ თუშიშვილმა მოიპოვა +100 კგ-ის წონით კატეგორიაში. მან ბრაზილიელი დავიდ მოურა დაამარცხა.
საერთო ჯამში ქართველმა ძიუდოისტებმა ტურნირზე 3 ოქრო, 1 ვერცხლი და 1 ბრინჯაო მოიგეს.
