თბილისის მერი კახა კალაძე ამბობს, რომ თბილისში წინასაახალწლოდ გარევაჭრობა მერიის მიერ გამოყოფილ კონკრეტულ ადგილებში უნდა გაიმართოს.
„გარევაჭრობასთან დაკავშირებით ჩვენი დამოკიდებულება იცით, რაც არაერთხელ გვითქვამს. ყველა რაიონში არის კონკრეტული ადგილები გამოყოფილი, იმისთვის, რომ ადამიანებს მიეცეთ შესაძლებლობა, გაყიდონ თავიანთი პროდუქტი. ეს უნდა მოხდეს ცივილიზებულად. მესმის, რომ წინასაახალწლო პერიოდია, უამრავი ადამიანია გამოსული, მაგრამ მითითებულ ადგილებზე უნდა მოეწყოს გარევაჭრობა. სხვა შემთხვევაში შესაბამისი სამსახურები იმოქმედებენ კანონის ფარგლებში”, – ამბობს კახა კალაძე.
