პარლამენტში სიტყვით გამოსვლისას, მიხეილ ჩხენკელმა მეცნიერების ფუნდამენტური დარგების ხელშეწყობაზე ისაუბრა.
მინისტრის თქმით, განსაკუთრებული აქცენტი გაკეთდება ახალგაზრდა მეცნიერების წახალისებაზე. როგორც რუსთაველის ეროვნული სამეცნიერო ფონდი, ასევე სამინისტრო ახალგაზრდა მეცნიერების წასახალისებლად, დამატებით საგრანტო კონკურსს დააფინანსებენ.
აქამდე თუ ფუნდამენტურ და გამოყენებით კვლევებში კონკურსები მონაცვლეობით, წლის გამოტოვებით ცხადდებოდა, სამინისტროს ინიციატივით, ამიერიდან ორივე ტიპის კვლევაში კონკურსი ყოველწლიურად გამოცხადდება.
მინისტრის აზრით, უმნიშვნელოვანესია ისეთ პროგრამებში მონაწილეობა, როგორიცაა ევროკავშირის კვლევისა და ინოვაციების პროგრამა „ჰორიზონტი 2020“, გაძლიერდება არსებული საერთაშორისო საგრანტო პროექტები და მოხდება კიდევ ახალ პროგრამების მოძიება.
