პრემიერ-მინისტრი გიორგი კვირიკაშვილი პარლამენტის რიგგარეშე სხდომაზე ამ წუთებში დეპუტატების შეკითხვებს პასუხობს. „ევროპული საქართველოს" წევრმა, გიგი წერეთელმა მას ქუთაისის ახალი უნივერსიტეტის შესახებ ჰკითხა.
პრემიერის თქმით, ქუთაისის უნივერსიტეტთან დაკავშირებით მნიშვნელოვანი მოსამზადებელი სამუშაობი ჩატარდა და საერთაშორისო კონკურსი გამოცხადდა, რის შემდეგაც პარტნიორად მიუნხენის ტექნიკური უნივერსიტეტი შეირჩა.
„მიუნხენის ტექნიკური უნივერსიტეტი იქნება მთავარი პარტნიორი ქუთაისის უნივერსიტეტის. მემორანდუმი უკვე გაფორმებულია. ქუთაისის უნივერსიტეტი სწორედ მიუნხენის ტექნიკური უნივერსიტეტის მიმართულებას დაფარავს რეგიონში. ეს იყო მნიშვნელოვანი გადაწყვეტილება და ბევრი მუშაობა დასჭირდა. მშენებლობის ნებართვა სექტემბერში გაიცა და ქვაბული უკვე გაკეთებულია. 2018 წელს დაიწყება მთავარი მშენებლობა. სტუდენტების პირველი ნაკადის მიღება კი ერთ წელიწადში იქნება შესაძლებელი,“ - ამბობს კვირიკაშვილი.
