„შეიწყალოს საქართველოს პრეზიდენტმა მსახიობი გიორგი გიორგანაშვილი (ბახალა)“, - ამ მოთხოვნით, manifest.ge-ზე  პეტიცია ვრცელდება. პეტიციას ამჟამად 1027 ხელმომწერი ჰყავს. 

თბილისის საქალაქო სასამართომ გიორგი გიორგანაშვილი („ბახალა") დამნაშავედ ცნო და 8 წლით თავისუფლების აღკვეთა მიუსაჯა. გადაწყვეტილება მოსამართლე შორენა გუნცაძემ გამოაცხადა.

„ბახალას" გამოძიება განსაკუთრებით დიდი ოდენობით ბუპრენორფინის (სუბოტექსი) შეძენა-შენახვაში ადანაშაულებს. თავად ბრალს არ აღიარებს და ამბობს, რომ ნარკოტიკები ჩაუდეს, რადგან არ დასთანხმდა პოლიციის მოთხოვნას, რომ ეთანამშრომლა მათთან და ერთ-ერთი პირის, ირაკლი ქორიძის წინააღმდეგ მიეცა ჩვენება (რომ სხვა საგამოძიებო მოქმედების დროს აღმოჩენილი ნაროტიკები ქორიძეს ეკუთვნოდა).