თბილისის ყოფილი მერი, დავით ნარმანია „პალიტრანიუსის“ გადაცემა „360 გრადუსში" საუბრობს ვარკეთილის მეტროში ჭერის ჩამოვარდნის ფაქტზე, და ამბობს, რომ ეს მხოლოდ ერთი კომპანიის პასუხისმგებლობის საკითხი არ არის.
„ჩვენ მთელ ჯაჭვს უნდა გავყვეთ, დაწყებული პროექტირებიდან, შემდეგ ამ კომპანიამ შეასრულა თუ არა ვალდებულება და ბოლოს, რატომ არ ჩატარდა ტექნიკური ექსპერტიზა“, - განაცხადა დავით ნარმანიამ.
რამდენიმე დღის წინ, თბილისში, ვარკეთილის მეტროს ჭერი მოულოდნელად ჩამოინგრა. შედეგად 14 ადამიანი დაშავდა და მათი უმრავლესობის ჰოსპიტალიზება გახდა საჭირო. სარემონტო სამუშაოები ვარკეთილის მეტროში არჩევნებამდე ცოტა ხნით ადრე დასრულდა და მას კომპანია „ყვარელრემშენი" უძღვებოდა.
