საქართველოს ყოფილი პრეზიდენტი და უკრაინული პარტიის, „ახალ ძალთა მოძრაობის" ლიდერი მიხეილ სააკაშვილი უკვე ვარშავაშია. ის დღეს უკრაინაში დააკავეს, რეადმისიის საშუალებით გაიყვანეს ქვეყნიდან და დააბრუნეს იმავე ქვეყანაში, საიდანაც ის უკრაინაში შევიდა.
ვარშავიდან მიხეილ სააკაშვილმა ტელეკომპანია „რუსთავი 2-ის“ ეთერში ისაუბრა. ის „კურიერისთვის“ მიცემულ ინტერვიუში გატაცებას იხსენებს და ამბობს, რომ ის კერძო თვითმფრინავით გადააფრინეს პოლონეთში. მიხეილ სააკაშვილის თქმით,ის იარაღის დამიზნებით, ხელების გადაგრეხვით გაიტაცეს.
„ჩემს რეადმისიით პოლონეთში გაშვებას იმას ვუკავშირებ, რომ ივანიშვილი არის ქვეშაფსია, ლაჩარი და არარაობა და მე არ მესმის, როგორ უთმენთ აქამდე. რა უნდა ამ კაცს, ეშინია ჩემი, თორემ რამის თავი რომ ჰქონდეს, ხომ მოილაპარაკებდა საქართველოში გადმოცემაზე. არაფრის თავი არ აქვთ, არიან მხდალები, არიან მატყუარები, არიან ფლიდები,“ - განაცხადა მიხეილ სააკაშვილმა.
მიხეილ სააკაშვილი ამბობს, რომ ის გააგრძელებს ბრძოლას ოლიგარქების წინააღმდეგ.
