საგარეო საქმეთა სამინისტრო გუშინ გერმანული მედიის მიერ გავრცელებულ ინფორმაციას, საქართველოდან ჩასული 19 პირისთვის ქვეყანაში შესვლის თაობაზე უარის შესახებ, ადასტურებს.
უწყების განცხადებაში ნათქვამია, რომ 13 თებერვალს გერმანიის ფედერალურმა პოლიციამ სასაზღვრო კონტროლისას (შემოწმდა ქუთაისი-მემინგენის W6 6409 ავიარეისით ჩასული მგზავრები) საქართველოს 19 მოქალაქის მიმართ მიიღო უარყოფითი გადაწყვეტილება და მათ არ მიეცათ გერმანიის ტერიტორიაზე შესვლის უფლება.
საქართველოს 10 მოქალაქე მემინგენი-ქუთაისის რეისით იმავე დღეს გააბრუნეს. საქართველოს 9 მოქალაქე გადაიყვანეს მიუნხენის აეროპორტის ტრანზიტული ფრენისათვის განკუთვნილ ნაწილში.
WDR: გერმანიის ჩრდილოეთ რაინ-ვესტფალია საქართველოსთან უვიზო რეჟიმის შეწყვეტას ითხოვს