რუსეთში შესაძლოა, Youtube და Instagram აიკრძალოს. ამის შესახებ ინფორმაციას BBC ავრცელებს.
საკითხი დღის წესრიგში მას შემდეგ დადგა, რაც ოპოზიციონერმა ლიდერმა, ალექსეი ნავალნიმ გამოაქვეყნა ვიდეო, რომელზეც ასახულია ქვეყნის ერთ-ერთი უმდიდრესი ადამიანის, მილიარდერი ბიზნესმენის, ოლეგ დერიპასკას შესახებ ინფორმაცია.
რუსეთის სასამართლომ დაადგინა, რომ ვიდეო შეიცავდა პირადი ცხოვრების ამსახველ კადრებს, თუმცა ნავალნიმ ვიდეო არ წაშალა, რადგან ამბობდა, რომ ეს ვიდეო კორუფციის მტკიცებულებაა.
თუ ნავალნი და ამერიკული კომპანიები არ წაშლიან ამ ვიდეოს, მაშინ რუსეთის ინტერნეტსერვისის პროვაიდერები დაბლოკავენ მას.
