Boston Dynamics-ის ოთხფეხა რობოტმა SpotMini-მ ერთხელ უკვე დაამტკიცა, რომ მას თავისუფლად შეუძლია კარის გაღება და შესვლა.

როგორც ჩანს, კომპანიის თანამშრომლებმა გადაწყვიტეს, თავიანთ რობოტს მიზნის მისაღწევად ბრძოლაც ასწავლონ. როგორც Boston Dynamics-ის ვიდეოში ჩანს, რომელსაც The Guardian ავრცელებს, რობოტი კართან მიდის, მაგრამ ამჯერად ადამიანი მისთვის ხელის შეშლას ჰოკეის ჯოხით ცდილობს. ოთხფეხა რობოტი კი ჯოხის გამო არ ჩერდება, დაჟინებულად ცდილობს ჩაეჭიდოს კარს და ბოლოს მისი გაღება გამოსდის კიდეც.