„აამუშავე აგარა“, „აგარა ითხოვს შველას“„მეშაქრე ითხოვს შრომის უფლებას“, - დაბა აგარაში, კომპანია „აგარის შაქრის" თანამშრომლები საპროტესტო აქციას მართავენ და ქარხნის ამუშავებას მოითხოვენ. როგორც აქციის ერთ-ერთმა მონაწილემ „ლიბერალს“ უთხრა, პროტესტი გაგრძელდება იქამდე, სანამ მათ მოთხოვნაზე პასუხს არ მიიღებენ.
„პროტესტს ვაგრძელებთ, დღეს ველოდებით პასუხს. არ ვიშლებით, შაბათ -კვირას აქ ვრჩებით, და ველოდებით ჩვენს მოთხოვნაზე პასუხს. თუ არ იქნება პასუხი, ორშაბათს გადავწყვეტთ, სამი გზა გვაქვს დარჩენილი ან ლიანდაგის გადაკეტვა ან ტრასის ან შიმშილობა. გაჩერებას არ ვაპირებთ“.
„აგარის შაქარი" მეხუთე თვეა გაჩერებულია. ქარხნის მფლობელები აცხადებენ, რომ მათ მიერ წარმოებული მაღალი ხარისხის, ეკოლოგიურად სუფთა პროდუქტი, უცხოურ დაბალხარისხიან პროდუქციას - ფასების გამო კონკურენციას ვერ უწევს და მთელი დასახლება, რომელიც ფინანსურად სწორედ ამ ერთადერთი ქარხნის მუშაობაზეა დამოკიდებული, უკიდურესად რთულ მდგომარეობაში აღმოჩნდა.
აქციის მონაწილეები სახელმწიფო ჩართულობას და პრემიერთან შეხვედრას მოითხოვენ.
გამაფრთხილებელ აქციას გაფიცვით უერთდება დასახლებაში მდებარე ყველა სავაჭრო და კომერციული ობიექტი", - ნათქვამია პროფკავშირების განცხადებაში.
