„რაგბი ევროპის" 2018 წლის მესამე ტურის მატჩში საქართველოს მორაგბეთა ნაკრებმა ესპანეთს 23:10 მოუგო. 

სოსო მათიაშვილმა სამი საჯარიმო დარტყმა გამოიყენა. შემდეგ საქართველოს ნაკრების სასარგებლოდ მსაჯმა ტექნიკური ლელო დააფიქსირა. ხოლო, საფინალო სასტვენამდე გიორგი მელქიძემ ლელო დადო, რასაც მათიაშვილის შესრულებით ზუსტი გარდასახვა მოჰყვა.

ესპანეთმა თბილისში გამართულ მატჩში ერთი ჯარიმა და ლელო (აგრეთვე ზუსტი გარდასახვა) მიითვალა.

2000 წლიდან დღემდე ესპანეთს საქართველოს ნაკრები ყოველ წელს ხვდება. დღეს „მიხეილ მესხის სტადიონზე" გამართული შეხვედრის ჩათვლით, 19 მატჩიდან საქართველოს ნაკრებმა 15 მოიგო, 3-ჯერ დამარცხდა, 1 - კი ფრედ დაასრულა.