გაეროს ანგარიშის მიხედვით,  2018 წლის მსოფლიოს ყველაზე ბედნიერი ქვეყანა ფინეთია. შემდეგ მოდის ნორვეგია, დანია, ისლანდია, შვეიცარია, ნიდერლანდები, კანადა, შვედეთი და ავსტრალია. 

ხოლო, ყველაზე უბედური ქვეყნების ბოლო ათეული ასეთია:

147-ე ადგილზეა მალავი, შემდეგ მოდის ჰაიტი, ლიბერია, სირია, რუანდის რესპუბლიკა, იემენი, ტანზანია, სამხრეთი სუდანი, ცენტრალური აფრიკის რესპუბლიკა და ბოლო, 156-ე ადგილზეა ბურუნდი.

საქართველო აღნიშნულ სიაში 128-ე ადგილს იკავებს. 

წლევანდელ ანგარიშში ასევე ასახულია მიგრანტების შესახებ მონაცემები. როგორც BBC წერს, მასპინძელ ქვეყნებს შორის მიგრანტები ყველაზე ბედნიერად თავს ფინეთში გრძნობენ.

ფინეთის მოსახლეობა დაახლოებით 5.5. მილიონი ადამიანია და აქედან 300 000 მიგრანტია. 

ქვეყნებში მოსახლეობის კეთილდღეობის, ბედნიერების და  ცხოვრების ხარისხის განსასაზღვრად მკვლევარებმა გამოიყენეს ისეთი მაჩვენებლები, როგორიცაა მთლიანი შიდა პროდუქტი ერთ სულ მოსახლეზე, ქვეყნის კორუფციის მაჩვენებლი, სოციალური მხარდაჭერა, სიცოცხლის მაჩვენებელი, არჩევანის თავისუფლება და ა.შ.