ზუგდიდის მუნიციპალიტეტის მერიის ტერიტორიაზე არსებული საწყობიდან მოიპარეს ნივთები, რომელიც ფაროსანას წინააღმდეგ საბრძოლველად უნდა გამოეყენებინათ. ამის შესახებ ინფორმაცია „ლიბერალს“ შსს-ში დაუდასტურეს.
მათი თქმით, გამოძიება სისხლის სამართლის კოდექსის 177-ე, ქურდობის მუხლით არის დაწყებული. 1tv-ის ინფორმაციით, მოპარულია აკუმულატორები იმ ავტომანქანებიდან, რომლებიც მერიას ფაროსანასთან საბრძოლველად გუშინ გადასცეს.
