ბორჯომში, საკირის ტყეში, ხანძარს ებრძვიან. როგორც "ლიბერალს" საგანგებო სიტუაციების სამსახურში განუცხადეს, ცეცხლი გამხმარ ხეებს და ბუჩქებს უკიდია.
"ხანძარი ჯერ ლოკალიზებული არ არის, კლდოვანი რელიეფია, ტექნიკისთვის მიუვალი, ამიტომ ცოცხალი ძალა მუშაობს", - გვითხრეს საგანგებო სიტუაციების სამსახურში.
პრესამსახურის ინფორმაციით, ცეცხლი დასახლებული ტერიტორიებიდან მოშორებითაა და გავრცელების საშიშროება არ არსებობს, მიმდინარეობს დამატებითი ძალების მობილიზება.
ცეცხლის ქრობის პროცესი მთელი ღამის განმავლობაში გაგრძელდება.
