1949 წლის შემდეგ პირველად ნობელის პრემია ლიტერატურის დარგში არ გაიცემა. ინფორმაცია აკადემიამ დღეს დილით დაადასტურა. ამის მიზეზი აკადემიის ერთ-ერთი წევრის მეუღლის მიმართ სექსუალური შევიწროების ბრალდებაა.
მას შემდეგ, რაც ფოტოგრაფი ჟან-კლოდ არნო სექსუალური შევიწროების სკანდალში გაეხვა, მისი მეუღლე კატერინა ფროსტენსონი ნობელის პრემიის აკადემიიდან გარიცხეს, თუმცა აკადემიამ გადაწყვიტა, რომ ამასთან ერთად უმჯობესი იქნებოდა წელს ლიტერატურაში ნობელი პრემია არ გაცემულიყო. სანაცვლოდ, 2019 წელს ლიტერატურაში ნობელის 2 ლაურეატს გამოავლენენ.
დააკლიკეთ ბმულს და შემოგვიერთდით ლიბერალის ლიტერატურულ კლუბში ფეისბუქზე
აკადემიის განცხადებით, გადაწყვეტილება აკადემიის პრესტიჟის შელახვისა და საზოგადოების ნდობის დაკარგვის გამო მიიღეს. თანამდებობა დატოვა აკადემიის მდივანმა და სამმა წევრმაც. ჟან-კლოდ არნო გასულ წელს 18-მა ქალმა დაადანაშაულა სექსუალურ შევიწროებაში. ჟურნალისტებთან მათ თქვეს, რომ არნო ხშირად აკადემიის შენობებს და გავლენასაც იყენებდა, რამაც ნობელის პრემიის აკადემიას ჩრდილი მიაყენა.
ამ სკანდალის შემდეგ ასევე გავრცელდა ინფორმაცია, რომ ფოტოგრაფმა წინასწარ გაამჟღავნა ნობელის 7 ლაურეატის ვინაობაც, რაც აკრძალული იყო.
