კრიტიკული და ნაკლებად კრიტიკული შეუსაბამობების გამო გურჯაანის ორ და სოფელ ბაკურციხის ერთ საბავშვო ბაღს სურსათის ეროვნულმა სააგენტომ 1000-1000-ლარიანი ჯარიმა დააკისრა. ამ დროისათვის სამივე ბაღის მუშაობა შეჩერებულია.
სურსათის ეროვნული სააგენტოს კახეთის რეგიონალური სამმართველოს უფროსი ინსპექტორის, ნანა ახალმოსულიშვილის ინფორმაციით, ბაღები მხოლოდ მას შემდეგ შეძლებენ მუშაობის დაწყებას, როცა ხარვეზებს გამოასწორებენ.
