შინაგან საქმეთა სამინისტრო არ ადასტურებს თბილისის მერის კახა კალაძის მიერ გავრცელებულ ინფორმაციას იმის შესახებ, რომ ნარკოტიკული საშუალების გასაღების ბრალდებით დაკავებული 8 პირიდან 2 გათავისუფლებულია. 

როგორც „ლიბერალს" შსს-ს პრესსამსახურში უთხრეს, კვლავ 8 პირია დაკავებული. 

დღეს კახა კალაძემ განაცხადა, რომ მისი ინფორმაციით, დაკავებული იყო 8 რეალიზატორი, აქედან ორი გათავისუფლებულია. „მე რა ინფორმაციაც მაქვს, პატიმრობაში რჩება 6", - ამბობდა კალაძე.

რაც შეეხება ფორმას, როგორც კალაძე ამბობს, „შეიძლება, ეს პოლემიკის საგანი იყოს, როგორი ფორმით უნდა ყოფილიყო, თუმცა ერთ რამეში ვთანხმდებით, რომ ნარკორეალიზატორებს ჩვენ ყველა ერთად, ერთიანი ძალებით უნდა ვებრძოლოთ".